Soyabean Rates | सोयाबीन बाजारात मंदी! शेतकऱ्यांनो जाणून घ्या नेमकं कारण काय? वाचा दराचं पुढचं भविष्य…

Soyabean Rates | सोयाबीन बाजारावर जगभरातील तीन देशांचा प्रभाव जाणवतो – चीन, ब्राझील आणि अर्जेंटीना. या देशांमधील घडामोडींचा परिणाम आपल्या देशातील सोयाबीन बाजारावरही दिसून येतो.

चीन:

• चीन मार्च महिन्यात ६५ लाख टन सोयाबीन आयात करण्याची शक्यता आहे.
• चीनमध्ये सोयाबीनचे (Soyabean Rates) गाळप कमी होत आहे, त्यामुळे सोयापेंड आणि सोयातेलाचा स्टॉकही कमी होत आहे.
• सोयातेलाचे भाव चीनमध्ये वाढले आहेत आणि हे भाव टिकून राहू शकतात.

ब्राझील:

• जगातील एक नंबरचा सोयाबीन उत्पादक ब्राझीलची सोयाबीन काढणी जोमात सुरु आहे.
• काही भागात पाऊस झाल्याने काढणीत अडथळे येत आहेत.
• ब्राझीलच्या काही भागात सोयाबीनची उत्पादकता चांगली आली तर काही भागात यंदा घटली.
• ब्राझीलच्या सोयाबीन उत्पादनाचे अंदाज महिन्यागणिक कमी केले जात आहेत.

वाचा | राज्याला पुढच्या 24 तासांत धो-धो झोडपणार पाऊस, गहू-बाजरीच्या नासाडीपूर्वीच पाहा कुठे कोसळणार?

अर्जेंटीना:

• अर्जेंटीनात सोयाबीन काढणी सुरू झाली आहे.
• अर्जेंटीना सोयाबीन उत्पादनात तिसऱ्या क्रमांकावर आहे.
• ब्राझीलबरोबरच अर्जेंटीनातील सोयाबीन बाजाराकडे सर्वांचे लक्ष असते.

आंतरराष्ट्रीय बाजार:

• मागील काही दिवसांपासून सोयाबीनच्या भावात काहीशी वाढ झाली आहे.
• सोयातेलाला पामतेलाचे भाव वाढल्याचा काहीसा फायदा होत आहे.
• सूर्यफूल तेलाचा पुरवठा आणि सोयातेलाचाही पुरवठा वाढण्याची शक्यता आहे.
• सोयापेंड एकापातळीभोवती फिरत आहे.
• सोयाबीन १२ डाॅलरच्या आसपास फिरत आहे.
• सोयाबीन बाजारावर यापुढच्या काळात ब्राझील, अर्जेंटीना आणि चीनमधील घडामोडींचा परिणाम होणार आहे.

सोयाबीन बाजारावर जगभरातील अनेक घटकांचा प्रभाव पडतो. या घटकांवर लक्ष ठेवून शेतकरी आणि व्यापारी योग्य निर्णय घेऊ शकतात.