Solar Pump | शेतकऱ्यांसाठी खुशखबर! मुख्यमंत्री सौर योजनेचा सर्व्हे सुरू; वीज जोडणीच्या प्रतीक्षेत असलेल्या शेतकऱ्यांना लाभ

Solar Pump | महाराष्ट्र शासनाने वीज जोडणीच्या प्रतीक्षेत असलेल्या शेतकऱ्यांना सोलर पंप देण्याची योजना जाहीर केली आहे. या योजनेअंतर्गत, ज्या शेतकऱ्यांनी महावितरणाकडे वीज कनेक्शनसाठी अर्ज करून कोटेशन भरलेले आहे, परंतु अद्याप त्यांची वीज जोडणी करून देण्यात आलेली नाही, अशा शेतकऱ्यांना सोलर पंप देण्यात येणार आहे.

शेतकऱ्यांना तात्काळ सिंचन सुविधा उपलब्ध
या योजनेसाठी महावितरणाच्या वेबसाइटवर एक नोंदणी लिंक दिलेली आहे. त्या लिंकवर जाऊन शेतकऱ्यांना त्यांची इच्छा नोंदवता येईल. इच्छुक शेतकऱ्यांना महावितरणकडून एक ओटीपी पाठवला जाईल, ज्याद्वारे त्यांचे व्हेरिफिकेशन केले जाईल. या योजनेचा उद्देश वीज जोडणीच्या प्रतीक्षेत असलेल्या शेतकऱ्यांना तात्काळ सिंचन सुविधा उपलब्ध करून देणे हा आहे.

शेतकऱ्यांना वीज बिलाची होईल बचत
सोलर पंप हे पर्यावरणपूरक आणि स्वस्त असतात. यामुळे शेतकऱ्यांना वीज बिलाची बचत होईल आणि त्यांचे उत्पन्न वाढेल. या योजनेमुळे महाराष्ट्रातील शेतकऱ्यांना मोठा दिलासा मिळेल. यामुळे शेतकऱ्यांना त्यांच्या शेतीत अधिक मेहनत करण्यास प्रोत्साहन मिळेल आणि त्यांचे जीवनमान उंचावेल.

कसा घ्याल योजनेचा लाभ?
या योजनेचा लाभ घेण्यासाठी शेतकऱ्यांना महावितरणच्या वेबसाइटवर जाऊन अर्ज करावा लागेल. अर्ज करण्यासाठी शेतकऱ्यांना त्यांचे ग्राहक क्रमांक आणि आधार कार्डची माहिती आवश्यक आहे. अर्ज केल्यानंतर शेतकऱ्यांना त्यांचे नाव, पत्ता, जमिनीची माहिती आणि इतर आवश्यक माहिती भरण्याची आवश्यकता असेल. अर्जाची स्वीकृती झाल्यानंतर शेतकऱ्यांना त्यांच्या जमिनीवर सोलर पंप बसवला जाईल. सोलर पंप बसवण्यासाठी शेतकऱ्यांना कोणतेही पैसे खर्च करण्याची आवश्यकता नाही. या योजनेचा लाभ राज्यातील सुमारे ५ लाख होणार आहे.

हेही वाचा :

Web Title: Good news for farmers! Survey of Chief Minister Solar Yojana started; Benefit to farmers waiting for electricity connection