Anandacha Shidha | आनंदाचा शिधा आता साडीसह! सणासुदीला हक्काचा वाटा वाढला… पहा सविस्तर..

Anandacha Shidha | महाराष्ट्र शासनाने यंदाच्या शिवजयंतीपासून ‘आनंदाचा शिधा’ देताना किराणा जिन्नसासोबत साडी देखील देण्याचा निर्णय घेतला आहे. (Anandacha Shidha) सहा मार्चपासून राज्यातील विविध रेशनिंग दुकानातून ही योजना राबवण्यात येणार आहे.

अंत्योदय शिधापत्रिका धारकांना दरवर्षी एक साडी भेट दिली जाईल. यामुळे गरीब कुटुंबांना सणासुदीला गोडधोडासोबतच घरातील महिलांना नवीन साडी परिधान करून सण साजरा करता येणार आहे. मुख्यमंत्री एकनाथ शिंदे यांनी राज्याचे अंतरिम बजेट सादर करताना ही घोषणा केली होती.

विविध सणानिमित्त रेशनिंग दुकानातून ‘आनंदाचा शिधा’ देण्याचा निर्णय महायुती सरकारने घेतला आहे. अयोध्या येथे राम मंदिरात श्रीराम मूर्तीची प्राणप्रतिष्ठा सोहळ्यानिमित्त राज्य सरकारने ‘आनंदाचा शिधा’ अल्पदरात देण्याचे जाहीर केले होते. शिवजयंती निमित्त वितरित करण्यात येणारा ‘आनंदाचा शिधा’ (Anandacha Shidha) सर्व रेशन दुकानात पोहोचला आहे. या रेशन दुकानात आता अंत्योदय शिधापत्रिकाधारक कुटुंबांना मोफत साडी देण्यात येणार आहे. राज्य सरकारच्या निर्णयानुसार दरवर्षी लाभार्थ्यांना एक साडी देण्यात येणार आहे. यंदा शिवजयंतीच्या निमित्ताने ही साडी मिळणार आहे.

वाचा | Compensation For Damages | मोठी बातमी ! २२ लाख ३४ हजार ९३४ शेतकऱ्यांसाठी नुकसान भरपाईची मदत!

शिधा सोबत मोफत साडी वाटप

‘आनंदाचा शिधा’ मध्ये साखर, तेल, रवा, चनाडाळ, मैदा, कच्चे पोहे या सहा शिधा जिन्नसाचा समावेश आहे. अंत्योदय रेशनकार्ड धारक कुटुंबांना यंदा साडी देखील मिळणार आहे. नाशिक विभागासाठी सुमारे पाच लाख 81430 नग साड्यांचा साठा उपलब्ध झाला असून यात धुळे नंदुरबार जिल्ह्यासाठी सुमारे एक लाख 81 हजार 915 तर खानदेशासाठी एकूण तीन लाख 16 हजार 841 साड्यांचा साठा उपलब्ध झाला आहे. सहा मार्चपासून याचं जिल्ह्यात वाटप होणार आहे असे जिल्हा पुरवठा विभागाच्या वतीने सांगण्यात आले.

नाशिक विभागाला मिळालेल्या साड्यांचा तपशील:

• धुळे जिल्हा: 75 हजार 738
• नंदुरबार जिल्हा: एक लाख सहा हजार 177
• जळगाव जिल्हा: एक लाख 34 हजार 926
• नाशिक जिल्हा: 11752
• नगर जिल्हा: 88 हजार

या योजनेमुळे राज्यातील गरीब कुटुंबांना मोठा दिलासा मिळणार आहे.

टीप: हे वृत्त पूर्णपणे दिलेल्या माहितीवर आधारित आहे आणि कोणत्याही इतर स्त्रोताचा वापर केलेला नाही.

Web Title | Anandacha Shidha | A dose of happiness now with a saree! The share of Haqq increased during the festival… See more..

हेही वाचा