Dudhiya Maldah Mango | दुधिया मालदा: गंगेच्या पाण्यातून मिळालेला अमृतरस!
Dudhiya Maldah Mango | आंब्याच्या राजाची अनोखी कहाणी! दुधातून सिंचन आणि गंगेच्या पवित्र चवीचा अमृत्वास्वाद
आंबा म्हटला की अनेकांच्या डोळ्यासमोर हापुसच येतो. पण भारतात हापूस व्यतिरिक्त अनेक आंब्याच्या प्रजाती आहेत आणि त्यांचीही स्वतःची वेगळी ओळख आहे. अशाच एका प्रजातीचे नाव आहे दुधिया मालदा. पाटण्यातील या आंब्याची चव आणि गोडवा इतकी अप्रतिम आहे की त्याला फळांचा राजा (King of Mangoes) म्हटले जाते.
दुधिया मालदाची खासियत काय?
- गोड आणि रसाळ: दुधिया मालदा आंबा आतून मऊ आणि रसाळ असतो. याचा गोडवा इतका अप्रतिम आहे की एकदा चाखला की विसरता येत नाही.
- दुधासारखा मऊ गर: या आंब्याचा गर मऊ आणि दुधासारखा असतो. त्यामुळेच याला दुधिया मालदा असे नाव मिळाले आहे.
- पातळ साल: या आंब्याचे साल पातळ आणि हलके असते. त्यामुळे तो खाण्यास खूप सोयीस्कर असतो.
- वेगळा सुगंध: दुधिया मालदा आंब्याचा सुगंध इतर आंब्यांपेक्षा वेगळा आणि आकर्षक असतो.
दुधातून सिंचन!
दुधिया मालदा आंब्याची सर्वात अनोखी गोष्ट म्हणजे त्याला दुधातून सिंचन (Irrigated with Milk) केले जाते. लखनौचे नवाब फिदा हुसेन यांना दुध आणि आंब्याची खूप आवड होती. त्यांनी पाटण्यातील दिघा येथे दुधाने सिंचत असलेले आंब्याचे रोप लावले होते. यातून अनेक दिवसांनी दुधिया मालदा नावाची अद्भुत प्रजाती तयार झाली.
आजही लोकप्रिय!
दुधिया मालदा आंबा आजही तितकाच लोकप्रिय आहे. गेल्या वर्षी ३३ देशांमध्ये हे आंबे निर्यात (Export) करण्यात आले होते. अमेरिका, इंग्लंड, जपान, दुबई अशा अनेक देशांमध्ये हा आंबा आवडीने खाल्ला जातो. दरवर्षी ऑर्डर येतात, पण हा आंबा जूनमध्ये पिकतो आणि १०० रुपये किलो दराने विकला जातो.
दुधिया मालदा आंबा मिळेल कुठे?
आजकाल दुधिया मालदा आंबा पाटण्यातील राजभवन, बिहार विद्यापीठ आणि सेंट झेवियर कॉलेज मध्येच मिळतो. पूर्वी ही बाग एक हजार एकरांवर पसरलेली होती, पण काळानुसार बागेचा आकार कमी होत गेला आहे.
दुधिया मालदा: गंगेच्या पाण्यातून मिळालेला अमृतरस! हा आंबा निश्चितच भारताच्या कृषी विरावतीचा अभिमान आहे.
हे ही वाचा : Electricity Bill Price | अर्रर्र…! वीज दरवाढीने शेतकऱ्यांची कंबरडे मोडणार; लगेच पाहा किती रुपये युनिटने वीज मिळणार?
