ताज्या कृषी बातम्या व अपडेटसाठी आजच जॉईन करा ‘मी E शेतकरी’ चा व्हॉटसॲप चॅनेल...

जॉईन करा
कृषी बातम्या

Fertilizer | या जिल्ह्यात खरिप हंगामासाठी १.७७ लाख टन खत मंजूर!

Fertilizer |बुलढाणा: खरिप हंगामाची तयारी जोरात सुरू असताना, बुलडाणा जिल्ह्यात शेतकऱ्यांसाठी एक आनंदाची बातमी आहे. कृषी आयुक्तालयाकडून जिल्ह्याला एक लाख ७७ हजार ९०० टन रासायनिक खत वाटप मंजूर करण्यात आले आहे. यामुळे जिल्ह्यातील शेतकऱ्यांना पुरेशा प्रमाणात आणि वेळीच खताचा पुरवठा होणार आहे.

खताचा पुरवठा आणि उपलब्धता:

जिल्ह्यात मे अखेरपर्यंत १० हजार २९० टन खताचा साठा आवश्यक आहे. आतापर्यंत एक लाख पाच हजार ४५५ टन रासायनिक खत जिल्ह्यात उपलब्ध झाले आहे. उर्वरित २२ हजार ४४५ टन खताचा पुरवठा लवकरच येणार असल्याची माहिती कृषी विभागाकडून देण्यात आली आहे.

शेतकऱ्यांसाठी सूचना:

  • शेतकऱ्यांनी एकाच खताची मागणी टाळावी आणि माती परीक्षणानुसार वेगवेगळ्या खताचा संतुलित वापर करावा.
  • रासायनिक खताची खरेदी अधिकृत परवानाधारकांकडून करावी आणि खरेदी केलेल्या खताचे पक्के बिल घ्यावे.
  • डीएपी या खताऐवजी १०.२६.२६, १२.३२.१६, २४.२४.० एसएसपी, १५.१५.१५, २०.२०.०, २०.२०.०१३, १४.३५.१४ यासारख्या पर्यायी खतांचा वापर करावा.
  • नॅनो युरिया आणि नॅनो डीएपी सारख्या खतांचा वापर फवारणीद्वारे करावा.

तक्रारीसाठी संपर्क:

  • रासायनिक खते, बियाणे आणि किटकनाशके याबाबत तक्रारीसाठी शेतकरी तालुकास्तरावरील तालुका कृषी अधिकारी आणि पंचायत समितीचे कृषी अधिकारी यांच्याशी संपर्क साधू शकतात.

जिल्हा परिषद कृषी विकास अधिकाऱ्यांनी शेतकऱ्यांनी या योजनेचा लाभ घेऊन अधिक उत्पादन घेण्यासाठी प्रयत्न करण्याचे आवाहन केले आहे.

Web Title: Fertilizer | 1.77 lakh tonnes of fertilizer approved for Kharip season in this district!

Leave a Reply

Your email address will not be published. Required fields are marked *

Back to top button