Farmers Protest | ब्रेकींग! केंद्र सरकार ‘या’ ४ पिकांना हमी भाव देण्यास तयार; शेतकरी आंदोलन घेणार मागे? जाणून घ्या

Farmers Protest | स्वामीनाथन आयोगाच्या शिफारशींनुसार पिकांना हमीभाव द्या आणि शेतकरी-शेतमजुरांना (Farmers Protest) पेन्शन देऊन कर्जमाफी करा, अशा मागणीसाठी देशभरातील शेतकरी संघटनांनी केंद्र सरकारविरोधात आंदोलन पुकारले आहे. ‘चल्लो दिल्ली’चा नारा देत मोठ्या संख्येने शेतकरी दिल्लीच्या दिशेने कूच करत आहेत. दुसरीकडे, शेतकऱ्यांचे आंदोलन रोखण्यासाठी सरकार सर्वतोपरी प्रयत्न करत आहे.

पिकांच्या किमान आधारभूत किंमतीच्या (एमएसपी) कायदेशीर हमी या मुद्द्यावर रविवारी शेतकरी नेते आणि केंद्रीय मंत्र्यांमध्ये चंदीगडमध्ये महत्त्वपूर्ण बैठक झाली. या बैठकीला केंद्रीय मंत्री अर्जुन मुंडा, पीयूष गोयल आणि नित्यानंद राय, पंजाबचे मुख्यमंत्री भगवंत मान आणि कृषी मंत्री गुरमीत सिंग खुदियान उपस्थित होते.

• बैठकीतील महत्त्वाचे मुद्दे
• केंद्र सरकारने आणखी 4 पिकांना एमएसपी (हमीभाव) देण्याचे मान्य केले आहे.
• धान आणि गहू व्यतिरिक्त, मसूर, उडीद, मका आणि कापूस पिकांवर एमएसपी देण्याचा प्रस्ताव ठेवला.
• शेतकऱ्यांना राष्ट्रीय कृषी सहकारी विपणन महासंघ (नाफेड) आणि भारतीय कापूस महामंडळ (सीसीआय) मार्फत जावे लागेल.
• सीसीआयसोबत 5 वर्षांचा करार करावा लागेल.
• शेतकरी नेत्यांनी सर्व संघटनांशी चर्चा करून सोमवारी अंतिम निर्णय देण्याचे सांगितले.

वाचा | ५ रुपये अनुदान मिळवायचं? फक्त गाईचं टॅगिंग करा आणि या प्रकारे ऑनलाइन नोंदणी!

• बैठकीनंतर प्रतिक्रिया
• केंद्रीय मंत्री पीयूष गोयल: शेतकऱ्यांशी चर्चेची चौथी बैठक अत्यंत सकारात्मक झाली.
• पंजाबचे मुख्यमंत्री भगवंत मान: डाळींच्या खरेदीवर एमएसपीची हमी मागितली होती, त्यावर आज सकारात्मक चर्चा झाली.
• शेतकरी नेते जगजित सिंग डल्लेवाल: सरकारच्या प्रस्तावावर चर्चा करून निष्कर्षापर्यंत पोहोचू. आमच्या मागण्या मान्य होईपर्यंत मोर्चा सुरूच राहणार.

Web Title | Farmers Protest Breaking! Central government ready to give guaranteed price for ‘these’ 4 crops; Farmers will withdraw the movement? find out

हेही वाचा