Most Expensive Cow | काय सांगता? तब्बल ४० कोटिंना विकली गाय, जाणून घ्या नेमकी तिची जात काय?

Most Expensive Cow | आपल्या आसपास अनेक लोकांनी गाई किंवा म्हशी पाळलेल्या आपण बघतो. पण तुम्हाला कल्पना आहे का, जगातील सर्वात महागडी गाय (Most Expensive Cow) किती रकमेला विकली गेली आहे? ४० कोटी! होय, तुम्ही बरोबर ऐकलं आहे. ४० कोटी रुपयांना एक गाय विकली गेली आहे आणि याच गायीचा भारताशीही संबंध आहे.

ही गाय आंध्र प्रदेशातील नेल्लोर येथील आहे आणि तिचं नाव व्हिएटिना-19 एफआयव्ही मारा इमोव्हिस आहे. ब्राझीलमध्ये आयोजित एका लिलावात तिला ४.८ दशलक्ष अमेरिकन डॉलर्स (जवळपास ४० कोटी रुपये) इतक्या रकमेला विकत घेण्यात आलं. या विक्रीमुळे ती जगातील सर्वात महागड्या किमतीत विकली जाणारी गाय बनली आहे.

वाचा | रेशीम उद्योगाला चालना देण्यासाठी शेडसाठीही अनुदान!

रेशमी पांढरी फर आणि खांद्यावर विशिष्ट कुबड असलेली ही गाय मूळची भारताची आहे आणि तिचं नाव नेल्लोर जिल्ह्याच्या नावावरून ठेवण्यात आलं आहे. ब्राझीलमध्ये या जातीला मोठी मागणी आहे. वैज्ञानिक भाषेत या जातीला बॉस इंडिकस म्हणतात आणि शास्त्रज्ञांच्या मते, हे भारतातील ओंगोले गुरांचे वंशज आहे, जे त्याच्या ताकदीसाठी ओळखले जाते.

ओंगोल जातीच्या गुरांचे सर्वात मोठे वैशिष्ट्य म्हणजे ते अतिशय उष्ण तापमानातही जगू शकतात. त्यामुळे ब्राझीलसारख्या गरम हवामानातही ते सहज राहू शकतात. ब्राझीलमधील सुमारे ८० टक्के गायी नेल्लोर जातीच्या आहेत.

या विक्रीमुळे भारतातील ओंगोल गायीची जगभरात ख्याती पसरली आहे आणि या जातीच्या गायींसाठी आणखी मोठी मागणी निर्माण होण्याची शक्यता आहे.

Web Title| Most Expensive Cow | what do you say A cow sold for 40 crores, know its exact breed?

हेही वाचा