India-Chile | केंद्राने भारत-चिली कृषी सहकार्यासाठी सामंजस्य करारासाठी मान्यता, शेतकऱ्यांना होणार मोठा फायदा
India-Chile Relations | पंतप्रधान नरेंद्र मोदी (Prime Minister Narendra Modi) यांच्या अध्यक्षतेखालील मंत्रिमंडळाने बुधवारी भारत सरकार Government of India) आणि चिली सरकार (Government of Chile) यांच्यातील कृषी आणि संबंधित क्षेत्रातील सहकार्यासाठी सामंजस्य करारावर स्वाक्षरी करण्यास मान्यता दिली. या सामंजस्य करारामध्ये कृषी (Agriculture) आणि संबंधित क्षेत्रात सहकार्याची तरतूद आहे.
India and Chile: भारत आणि चिली देशांमध्ये कोणत्या तरतुदी करण्यात आल्या आहेत?
यामध्ये सहकार्याची प्रमुख क्षेत्रे आधुनिक शेतीच्या विकासासाठी कृषी धोरणे, सेंद्रिय उत्पादनांचा द्विपक्षीय व्यापार सुलभ करण्यासाठी सेंद्रिय शेती, दोन्ही देशांमध्ये सेंद्रिय उत्पादन विकसित करण्याच्या उद्देशाने धोरणांच्या देवाणघेवाणीला प्रोत्साहन देणे. विज्ञानाच्या माध्यमातून भागीदारीच्या संधी शोधणे आणि भारतीय संस्था आणि चिलीच्या संस्थांमध्ये कृषी क्षेत्रातील नवकल्पनांना चालना देण्यासाठी आणि सामायिक आव्हानांना सामोरे जाण्यासाठी हा निर्णय घेण्यात आला आहे.
Agricultural Working Group : चिली-भारत कृषी कार्य गट स्थापन करण्यात येणार
सामंजस्य कराराच्या अंतर्गत, चिली-भारत कृषी कार्य गट तयार केला जाईल. जो सामंजस्य कराराच्या अंमलबजावणीचे परीक्षण, पुनरावलोकन आणि मूल्यांकन करण्यासाठी तसेच सतत संवाद आणि समन्वय स्थापित करण्यासाठी जबाबदार असेल. मंत्रिमंडळाने इंस्टिट्यूट ऑफ चार्टर्ड अकाउंटंट्स ऑफ इंडिया (ICAI) आणि इंस्टीट्यूट ऑफ चार्टर्ड अकाउंटंट्स इन इंग्लड अँड वेल्स (ICAEW) यांच्यातील सामंजस्य करारावर स्वाक्षरी करण्यास मंजुरी दिली आहे.
या सामंजस्य कराराचा उद्देश एकमेकांच्या सदस्यांच्या पात्रता, प्रशिक्षण आणि विद्यमान अटी व शर्ती ओळखण्यासाठी एक सहभागी प्रणाली सेट करून सदस्यांना अधिक चांगल्या प्रकारे समजून घेणे हा आहे.
तसेच या कृषी कार्यगटाच्या बैठका वर्षातून एकदा चिली आणि भारतात वैकल्पिकरित्या आयोजित केल्या जातील. हा सामंजस्य करार स्वाक्षरीनंतर अंमलात येईल आणि त्याच्या अंमलबजावणीच्या तारखेपासून पाच वर्षांच्या कालावधीसाठी अंमलात राहील, त्यानंतर तो आपोआप पाच वर्षांच्या पुढील कालावधीसाठी वाढविला जाईल.
मी E-शेतकरी आता टेलीग्राम आणि व्हाट्सअँप वर जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
आजच ताज्या बातम्यांसाठी मी E-शेतकरी मोबाईल अ‍ॅप डाऊनलोड करा; येथे क्लिक करून डाउनलोड करा..
हेही वाचा:
