Sugarcane Rate | शेतकऱ्यांसाठी आनंदाची बातमी ! उसाला चांगला दर मिळण्याची शक्यता ; जाणून घ्या दारवाढीचे कारण काय ?

Sugarcane Rate | गेल्या वर्षी देशात सर्वाधिक साखर उत्पादन करणाऱ्या महाराष्ट्रात यंदा उसाअभावी साखरेचे उत्पादन घटण्याची शक्यता आहे. मात्र, उसाच्या टंचाईमुळे शेतकऱ्यांना गेल्या वर्षीच्या तुलनेत उसाला अधिक दर(Sugarcane Rate) मिळण्याची शक्यता आहे.

राज्यातील ऊस गाळप हंगाम १ नोव्हेंबरपासून सुरू होणार

राज्य सरकारने अखेर राज्यातील ऊस गाळप हंगाम येत्या १ नोव्हेंबरपासून सुरू करण्याचा निर्णय घेतला आहे. गेल्या आठवड्यापर्यंत राज्यात २१७ साखर कारखान्यांनी गाळप हंगाम सुरू करण्यासाठी साखर आयुक्तालयाकडे अर्ज सादर केले होते. त्यामध्ये ११० सहकारी आणि १०७ खासगी साखर कारखान्यांचा समावेश आहे.

उसाच्या टंचाईमुळे साखरेचे उत्पादन घटण्याची शक्यता

विविध कारणांमुळे यंदा गाळपासाठी कमी ऊस उपलब्ध होणार आहे. त्यामुळे साखरेचे उत्पादनही कमी होण्याचा अंदाज आहे. गेल्या वर्षी राज्यात १०५ लाख टन, म्हणजे देशात सर्वाधिक साखरेचे उत्पादन झाले, त्यापाठोपाठ उत्तर प्रदेशाचा क्रमांक होता. यंदा साधारण १४ लाख हेक्टरवर उसाची लागवड झाली आहे. साधारण १०७८ लाख टन इतका ऊस असून, त्यापैकी साधारण ९७० लाख टन ऊस गाळपासाठी उपलब्ध होईल, असा अंदाज आहे. त्यातून १५ लाख टन कच्ची साखर इथेनॉलसाठी वळविण्यात येणार आहे. त्या पार्श्वभूमीवर राज्यात सुमारे ८९ लाख टन इतक्या साखरेचे उत्पादन होईल, असा अंदाज सरकारने व्यक्त केला आहे.

वाचा : Sugar Rate | यंदा पावसामुळे ऊसाचे उत्पादन घटण्याचा अंदाज! साखरेच्या दरावर होणार थेट परिणाम; शेतकऱ्यांना होणार मोठा फायदा

उसाला चांगला दर मिळण्याची शक्यता

टंचाई असल्यामुळे यंदा उसाला दर चांगला मिळणार आहे. कारखान्यांमध्ये ऊस दराची स्पर्धा होऊन उत्पादकांना फायदा होईल, असे चित्र आहे. गेल्या वर्षीच्या तुलनेत सहाशे ते सातशे रुपये अधिक दर मिळण्याची शेतकऱ्यांना आशा आहे.

ग्राहकांसाठी मात्र साखरेचे दर चढेच राहण्याची शक्यता

उसाची टंचाई आणि साखरेच्या कमी उत्पादनामुळे यंदा सर्वसाधारण ग्राहकांसाठी मात्र सणासुदीच्या काळात साखरेचे दर चढेच राहण्याची शक्यता आहे. गेल्या सप्टेंबरमध्ये या दरांनी उच्चांक गाठला होता. त्या पार्श्वभूमीवर सरकारनेही साखरेवरील निर्यातबंदी ३१ ऑक्टोबरनंतरही कायम ठेवली आहे.

निष्कर्ष

राज्यातील ऊस गाळप हंगाम येत्या १ नोव्हेंबरपासून सुरू होणार आहे. उसाच्या टंचाईमुळे साखरेचे उत्पादन घटण्याची शक्यता आहे. मात्र, उसाला चांगला दर मिळण्याची शक्यता आहे.

हेही वाचा :

Web Title : Sugarcane Rate | Good news for farmers! Chances of getting good price for sugarcane; Know what is the reason for the increase?