RBI | आरबीआयने रेपो रेट 50 बेसिस पॉईंटने वाढवला, कर्ज महागणार अन् तुमच्या ईएमआयमध्ये होणारं वाढ
RBI | भारतीय रिझर्व्ह बँकेने रेपो दरात 50 बेसिस पॉईंटने वाढ करण्याचा निर्णय घेतला आहे. RBI च्या या निर्णयानंतर आता रेपो रेट (Repo Rate) 4.9% वरून 5.40% झाला आहे. हा निर्णय सध्याच्या प्रभावानेच लागू होईल, असे सेंट्रल बँकेकडून (Central Bank) सांगण्यात आले आहे. RBI गव्हर्नर शक्तीकांत दास (Shaktikant Das) यांनी या निर्णयाची माहिती दिली आहे. यापूर्वी 3 ऑगस्टपासून आरबीआयची (RBI) समिती या विषयावर विचारमंथन करत होती.
किती करण्यात आली वाढ?
तीन दिवस (3 ऑगस्ट ते 5 ऑगस्ट) चाललेल्या मॉनेटरी पॉलिसी कमिटीच्या बैठकीनंतर RBI गव्हर्नरने हा निर्णय जाहीर केला आहे. या बैठकीत आरबीआय पुन्हा एकदा रेपो दरात वाढ करू शकते, अशी भीती व्यक्त केली जात होती. एमपीसीच्या मागील बैठकीत रेपो दर वाढवण्याचा निर्णय घेण्यात आला होता. मे मध्ये झालेल्या MPC च्या बैठकीत रेपो दर 50 बेस पॉईंट्सने वाढवून 4.90% करण्यात आला.
काय म्हणाले शक्तीकांत दास?
मध्यवर्ती बँकेच्या या निर्णयाची माहिती देताना गव्हर्नर शक्तिकांत दास म्हणाले की, “भारतीय अर्थव्यवस्थेवर साहजिकच जागतिक आर्थिक परिस्थितीचा परिणाम झाला आहे. उच्च महागाईच्या समस्येला आपण तोंड देत आहोत. 3 ऑगस्टपर्यंत चालू आर्थिक वर्षात आम्ही US$ 13.3 अब्जचा मोठा पोर्टफोलिओ प्रवाह पाहिला आहे.”
पुढे ते म्हणाले की, “RBI ने तत्काळ प्रभावाने रेपो दर 50 bps ने वाढवून 5.4% केला आहे. 2022-23 साठी वास्तविक GDP वाढीचा अंदाज Q1- 16.2%, Q2- 6.2%, Q3 -4.1% आणि Q4-4% मोठ्या प्रमाणात संतुलित जोखमींसह 7.2% आहे. 2023-24 च्या पहिल्या तिमाहीत (Q1) वास्तविक GDP वाढीचा अंदाज 6.7% आहे.” RBI गव्हर्नर म्हणाले, “2022-23 मध्ये महागाई 6.7% राहण्याचा अंदाज आहे. 2023-24 च्या पहिल्या तिमाहीसाठी CPI चलनवाढीचा अंदाज 5% आहे.”
7.1% पेक्षा जास्त महागाई
जून महिन्यात महागाईचा दर 7.01% होता. सलग सहाव्यांदा महागाईच्या दराने आरबीआयने निर्धारित केलेली 6 टक्क्यांची मर्यादा ओलांडली आहे. यापूर्वी मे महिन्यात किरकोळ चलनवाढीचा दर 7.04 होता. दुसरीकडे, केंद्रीय बँक RBI ने देखील 2022-23 साठी महागाई दर 5.7 टक्क्यांवरून 6.7 टक्क्यांपर्यंत वाढवला आहे.
रेपो दर कसा काम करतो?
रिझर्व्ह बँक ऑफ इंडिया रेपो दराचा वापर बाजारातील पैशाच्या प्रवाहावर नियंत्रण ठेवण्यासाठी करते. जेव्हा बाजार महागाईच्या चटक्यात असतो तेव्हा RBI रेपो दर वाढवते. वाढलेल्या रेपो दराचा अर्थ असा आहे की, ज्या बँका RBI कडून पैसे घेतात त्यांना ते पैसे वाढीव व्याजदराने उपलब्ध करून दिले जातील.
वाचा: फसवणूक टाळण्यासाठी करा ई-आधार कार्डचा वापर! जाणून घ्या डाऊनलोड करण्याची सोपी पद्धत
रेपो रेट वाढल्यामुळे कर्जाची ईएमआय होणार महाग?
अशा परिस्थितीत व्याजदर वाढल्यामुळे बँका आरबीआयकडून कमी पैसे घेतील आणि बाजारातील पैशाचा प्रवाह नियंत्रणात राहील. बँकांनी आरबीआयकडून महागड्या दराने कर्ज घेतल्यास ते सर्वसामान्यांनाही महागड्या दराने कर्ज देतील. त्यामुळे सर्वसामान्यांचा ईएमआय महागणार आहे. हे पाहता लोक कमी कर्ज घेतील आणि कमी खर्च करतील. यामुळे बाजारातील मागणी कमी होईल आणि संपूर्ण प्रक्रियेतून महागाई नियंत्रणात राहण्यास मदत होईल.
रेपो दरातील वाढीमुळे तुमच्या कर्जाच्या EMI वर कसा परिणाम होईल?
रेपो दर वाढल्याने सर्व कर्जे महाग होतील. वास्तविक रेपो दर हा दर आहे ज्यावर आरबीआय इतर बँकांना कर्ज देते. याउलट, रिव्हर्स रेपो रेट हा व्याज दर आहे जो मध्यवर्ती बँक आरबीआयकडे पैसे ठेवण्यासाठी बँकांना देते. त्यामुळे रिझव्‍‌र्ह बँकेने रेपो दर कमी केल्यास बँका व्याजदर कमी करतील आणि आरबीआयने रेपो दर वाढवल्यास बँका व्याजदर वाढवतील, असा समज आहे. त्यामुळे सर्वसामान्यांना उपलब्ध होणारे कर्ज महाग होणार आहे.
मी E-शेतकरी आता टेलीग्राम आणि व्हाट्सअँप वर जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
आजच ताज्या बातम्यांसाठी मी E-शेतकरी मोबाईल अ‍ॅप डाऊनलोड करा; येथे क्लिक करून डाउनलोड करा..
हेही वाचा:
- शेतीतील पिकात कीटक त्रासदायक ठरताहेत? तर ‘या’ नैसर्गिक कीटकनाशकाचा करा वापर, सरकार देतय अनुदान
- मोठी बातमी! मोदी सरकारने खाद्यतेलात ‘इतक्या’ रुपयांची कपात करण्याचे दिले निर्देश
Web Title: RBI hikes repo rate by 50 basis points, loans will cost more and your EMIs will rise
