Success Story | नादचखुळा! टोमॅटोच्या लागवडीतून कमावले लाखो रुपये, वाचा शेतकऱ्याची यशोगाथा

Success Story | अलीकडच्या काळात अनेक शेतकरी आधुनिक तंत्रज्ञानाचा वापर करून वेगवेगळ्या प्रयोग करत आहेत आणि कमी क्षेत्रातही भरघोस उत्पादन घेत आहेत. उत्तर प्रदेशातील रायबरेली जिल्ह्यातील बबलू कुमार हे असेच एक प्रगतीशील शेतकरी आहेत, ज्यांनी टोमॅटोच्या शेतीतून मोठं उत्पन्न मिळवलं आहे.

बबलू कुमार हे रायबरेलीतील चिटवानिया गावाचे रहिवासी आहेत. पारंपारिक शेतीपेक्षा वेगळं काहीतरी करण्याचा विचार करत त्यांनी आपल्या शेतात टोमॅटोची लागवड करण्याचा निर्णय घेतला आणि त्यातून त्यांना चांगला नफा मिळाला. इतर पिकांच्या तुलनेत टोमॅटो पिकाला खर्चही कमी येतो, त्यामुळे टोमॅटोची शेती परवडणारी आहे. बबलू यांनी सांगितले की, खर्च वजा जाता त्यांना एका एकर टोमॅटोच्या पिकातून 3 ते 4 लाख रुपयांचा निव्वळ नफा मिळाला आहे.

कमी खर्च, कमी वेळ, जास्त नफा:

बबलू कुमार गेल्या पाच वर्षांपासून टोमॅटोची लागवड करत आहेत. ते सांगतात की, इतर पिकांच्या तुलनेत टोमॅटो पिकाच्या लागवडीसाठी खर्च कमी येतो आणि कमी कालावधीत पैसे मिळतात. सध्या बाजारात टोमॅटोला मोठी मागणी आहे, ज्याचा फायदा शेतकऱ्यांना होत आहे.

वाचा|Discount On Seeds | शेतकऱ्यांसाठी आनंदाची बातमी! बियाण्यांवर ५०% थेट सवलत!

टोमॅटोला चांगली मागणी, विक्रीसाठी उत्तम बाजारपेठ:

बबलू कुमार यांच्या मते, सध्या टोमॅटोच्या एका कॅरेटची किंमत 600 ते 700 रुपये आहे. एका कॅरेटमध्ये 25 ते 30 किलो टोमॅटो बसतात. वालुकामय, काळी आणि तांबडी माती टोमॅटोच्या लागवडीसाठी योग्य मानली जाते. फक्त ही जमिन पाण्याचा निचरा होणारी हवी आहे.

मागील वर्षी टोमॅटोच्या किंमतीत विक्रमी वाढ:

मागील वर्षी जून-जुलै महिन्यात टोमॅटोच्या किंमती विक्रमी पातळीवर पोहोचल्या होत्या. टोमॅटोचे दर प्रतिकिलो 200 रुपयांपर्यंत पोहोचले होते. ज्या शेतकऱ्यांकडे टोमॅटोचा साठा होता त्यांना मोठा फायदा झाला होता. मात्र, सरकारने टोमॅटोच्या किंमती नियंत्रित करण्यासाठी नेपाळमधून टोमॅटोची आयात केली आणि परिणामी टोमॅटोच्या किंमती घसरल्या. याचा फटका शेतकऱ्यांना बसला होता. आता पुन्हा टोमॅटोच्या किंमती वाढत असल्याने शेतकऱ्यांना दिलासा मिळाला आहे.

बबलू कुमार यांच्या यशोगाथेतून प्रेरणा घेऊन इतर शेतकरीही टोमॅटोच्या शेतीकडे वळू शकतात आणि आधुनिक तंत्रज्ञानाचा वापर करून चांगला नफा मिळवू शकतात.

Web Title|Success Story | Nadachkhula! Millions of rupees earned from tomato cultivation, read the farmer’s success story

हेही वाचा