Cooperative Society | जिल्ह्यातील ४८२ सेवा सहकारी संस्था हायटेक होणार!

Cooperative Society | ग्रामीण भागातील शेतकऱ्यांना पीक कर्ज पुरवठा करणाऱ्या ४८२ सेवा सहकारी संस्था आता संगणकीकृत होणार आहेत. केंद्र सरकारच्या प्राथमिक सेवा सहकारी संस्था संगणकीकरण मोहिमेतर्गत जिल्ह्यातील ५८५ पैकी ४८२ संस्थांची निवड करण्यात आली आहे. यामुळे संस्थांचे (Cooperative Society) बळकटीकरण होण्यास मदत होणार असून, सभासदांना संस्थेची संपूर्ण माहिती एका क्षणात मिळणार आहे.

सोसायट्यांचे फायदे:

• सभासदांना संस्थेची संपूर्ण माहिती ऑनलाईन मिळेल.
• व्यवहार अधिक पारदर्शी होणार.
• कर्जासंदर्भातील माहिती त्वरित मिळेल.
• संस्थांचे कार्य अधिक कार्यक्षम आणि सुलभ होईल.

वाचा |गाळमुक्त धरण आणि गाळयुक्त शिवार योजनेसाठी ५.०८ कोटींचा निधी मंजूर! ‘या’ जिल्ह्याला मिळाला सर्वाधिक निधी

शासनाकडून मदत:

• शासनाकडून सोसायट्यांना संगणक, प्रिंटर, इंटरनेट कनेक्टिव्हिटी आणि इतर साहित्य पुरवण्यात येणार आहे.
• संस्थांच्या कर्मचाऱ्यांना संगणक प्रशिक्षण दिले जाणार.

शेतकऱ्यांना फायदे:

• शेतकऱ्यांना कर्जासाठी आणि इतर सुविधांसाठी सोसायट्यांच्या दारावर धाव घ्यावी लागणार नाही.
• घरबसल्याच ऑनलाईन सुविधांचा लाभ घेता येईल.
• कर्जासाठी अर्ज करणे आणि मंजुरी मिळणे अधिक सोपे आणि जलद होईल.
• संस्थेमध्ये होणाऱ्या गैरव्यवहारांवर अंकुश येईल.

सेवा सहकारी संस्थांचे संगणकीकरण शेतकऱ्यांसाठी वरदान ठरणार आहे. यामुळे संस्था अधिक कार्यक्षम आणि पारदर्शी बनतील आणि शेतकऱ्यांना त्याचा मोठा लाभ होईल.

Web Title | Cooperative Society | 482 service cooperatives in the district will be hi-tech!

हेही वाचा