महिला शेतकऱ्यांसाठी राज्यसरकारचे ‘हे’ नवे पाऊल; 2022 ठरणार ‘महिला शेतकरी सन्मान वर्ष’!
पुणे : राज्य सरकार महिलांच्या सबलिकरणासाठी विविध उपाययोजना आखत असते. नुकत्याच झालेल्या ठाकरे सरकारच्या बैठकीत 2022 हे वर्ष महिला शेतकरी सन्मान म्हणून साजरे करण्याचा निर्णय राज्य सरकारने घेतला होता. या निर्णयावर सरकारने (Goverment) अंमलबजावणी करण्यास सुरुवात केली असून या दृष्टीने राज्य कृषिमंत्री दादा भुसे यांनी पाऊले टाकण्यास सुरुवात केली आहे.
वाचा –
महिलांना दिले जाणार प्रशिक्षण (Training)
राज्यातील कृषी आणि कृषी विभागाशी संलग्न असणाऱ्या अधिकारी कर्मचारी यांना वसंतराव नाईक मराठवाडा विद्यापीठ आणि प्रादेशिक कृषी विस्तार व्यवस्थापन प्रशिक्षण संस्थांच्या माध्यमातून प्रशिक्षण दिले जाते. हेच प्रशिक्षण आता महिला शेतकरी व महिला मजूर यांना दिले जावे असा निर्णय राज्य कृषिमंत्री दादा भुसे यांनी घेतला असून कृषिविद्यापीठाच्या कुलसचिवां ना या संबंधित सूचना देण्यात आल्या आहेत.
या आहेत सूचना
१) प्रशिक्षण संस्थामधील सुविधा वाढविण्यात याव्या.
२) प्रशिक्षणातून महिलांना योजना (Skim) व नवनवीन उपक्रमांची माहिती देण्यात यावी.
३) कृषी योजनांमध्ये झालेले बदल महिला शेतकऱ्यांपर्यंत पोहोचवण्यात यावेत.
विविध योजनांमध्ये मिळणार महिला शेतकऱ्यांना सूट
राज्यसरकार शेतकऱ्यांसाठी विविध योजना राबवित असते. या योजनांमध्ये आता महिला शेतकऱ्यांना जास्त सूट मिळणार आहे. महिलांनी नवीन उद्योग सुरू करावेत या दृष्टिकोनातून कृषी योजना आणि अन्नप्रक्रिया उद्योगांमध्ये (Food processing) महिला शेतकऱ्यांसाठी 30 टक्के निधी हा राखीव ठेवला जाणार आहे. राज्यसरकारच्या या नव्या निर्णयामुळे आता शेतकरी महिला देखील स्वतःचे उद्योग सुरू करू शकतील.
मी E-शेतकरी आता टेलीग्राम आणि व्हाट्सअँप वर जॉइन करण्यासाठी येथे क्लिक करा णि ताज्या व महत्त्वाच्या बातम्या मिळवा.
आजच ताज्या बातम्यांसाठी मी E-शेतकरी मोबाईल अॅप डाऊनलोड करा; येथे क्लिक करून डाउनलोड करा..
हे हि वाचा
