PM E-Drive Subsidy Scheme | दिवाळीच्या मुहूर्तावर खरेदी करा इलेक्ट्रिक वाहने; केंद्र सरकार देतय अनुदान, पाहा कसा घ्यावा लाभ?

PM E-Drive Subsidy Scheme | सणासुदीच्या हंगामात नवीन वाहन घेण्याचा विचार करत असाल तर, ही बातमी तुमच्यासाठीच आहे. सरकारने इलेक्ट्रिक (PM E-Drive Subsidy Scheme) वाहने खरेदी करणाऱ्यांसाठी एक नवीन योजना सुरू केली आहे.

पीएम ई-ड्राइव्ह योजना काय आहे?
सरकारने इलेक्ट्रिक वाहनांचा वापर वाढवण्यासाठी ‘पीएम ई-ड्राइव्ह’ ही नवीन योजना सुरू केली आहे. या योजनेअंतर्गत सरकार इलेक्ट्रिक वाहन कंपन्यांना सबसिडी देईल आणि त्यामुळे इलेक्ट्रिक वाहने खरेदी करणे ग्राहकांना स्वस्त पडेल. या योजनेसाठी सरकारने सुरुवातीला 10,900 कोटी रुपये खर्च करण्याचे उद्दिष्ट ठेवले आहे.

या योजनेचा कालावधी किती?
ही योजना 1 ऑक्टोबर 2024 पासून 31 मार्च 2026 पर्यंत लागू असेल. म्हणजेच, या कालावधीत तुम्ही इलेक्ट्रिक वाहन खरेदी केले तर तुम्हाला या योजनेचा लाभ घेता येईल.

किती मिळेल सबसिडी?
या योजनेअंतर्गत इलेक्ट्रिक टू-व्हीलर्ससाठी प्रति किलोवॅट अवर 5000 रुपये सबसिडी निश्चित करण्यात आली आहे. दुसऱ्या वर्षी ही सबसिडी कमी करून 2500 रुपये करण्यात येईल. याशिवाय इलेक्ट्रिक थ्री-व्हीलर्स, ई-बस आणि इतर इलेक्ट्रिक वाहनांसाठीही वेगवेगळी सबसिडी देण्यात येणार आहे.

कशी घेऊ शकतो या योजनेचा लाभ?
या योजनेचा लाभ घेण्यासाठी सरकार एक मोबाइल अॅप सुरू करणार आहे. या अॅपच्या माध्यमातून तुम्ही ई-व्हाउचर तयार करू शकता आणि त्याचा वापर इलेक्ट्रिक वाहन खरेदी करताना करू शकता.

काय आहेत या योजनेचे फायदे?
स्वस्त इलेक्ट्रिक वाहने: या योजनेमुळे इलेक्ट्रिक वाहने स्वस्त होतील आणि सर्वसामान्य माणसालाही ते खरेदी करता येतील.
पर्यावरण संरक्षण: इलेक्ट्रिक वाहने प्रदूषण मुक्त असतात, त्यामुळे या योजनेमुळे पर्यावरण संरक्षण होईल. ऊर्जा बचत: इलेक्ट्रिक वाहने पेट्रोल-डिझेल वाहनांच्या तुलनेत कमी खर्चिक असतात, त्यामुळे ऊर्जा बचत होईल.