PM Awaas Yojna | पीएम आवास योजना ग्रामीणमध्ये मोठा बदल: आता दुचाकी, फ्रीज असलेल्यांनाही मिळेल घर

नवी दिल्ली: केंद्रीय ग्रामीण विकास मंत्री शिवराज सिंह चौहान यांनी प्रधानमंत्री आवास योजना ग्रामीणमध्ये मोठा बदल करण्याची घोषणा केली आहे. या योजनेच्या पात्रतेच्या निकषात शिथिलता आणण्यात आली आहे. आता दुचाकी, मोटारबोट, फ्रीज किंवा लँडलाइन फोन असलेल्या कुटुंबांनाही या योजनेचा लाभ घेता येणार आहे. तसेच मासिक उत्पन्नाची मर्यादा 10 हजार रुपयांवरून वाढवून 15 हजार रुपये करण्यात आली आहे.

यापूर्वी या योजनेत या वस्तू असलेल्या कुटुंबांना अपात्र ठरवले जात होते. मात्र आता सरकारने या निकषात शिथिलता आणून अधिकाधिक लोकांना या योजनेचा लाभ मिळवून देण्याचा निर्णय घेतला आहे.
या अटी अजूनही कायम:

• तीन चाकी आणि चार चाकी वाहनं
• शेतीसाठी लागणारं तीन आणि चार चाकी वाहन किंवा यंत्र
• किसान क्रेडिट कार्डची मर्यादा 50 हजार
• सरकारी कर्मचारी
• नोंदणीकृत अकृषिक क्षेत्रातील उद्योजक
• प्राप्तिकर भरणारे व्यक्ती
• व्यवसाय कर भरणारे व्यक्ती
• अडीच एकरांपेक्षा अधिक जमीन असणाऱ्या ग्रामीण भागातील व्यक्ती या व्यक्तींना अजूनही या योजनेचा लाभ घेता येणार नाही.
  जमीनधारणेसंदर्भात बदल:
  केंद्रीय मंत्री शिवराज सिंह चौहान यांनी जमीनधारणेसंदर्भातील अपात्रतेच्या नियमात व्यावहारिक बदल केले जातील, असंही म्हटलं.
  अन्य योजना:
  केंद्रीय मंत्री शिवराज सिंह चौहान यांनी ग्रामीण भारताच्या विकासासाठी मनरेगा, स्वच्छ भारत मिशन, उज्ज्वला योजना, सौभाग्य योजना, यासह विविध योजना राबवल्या जात असल्याचं म्हटलं.
  2745 कोटी रुपयांचा हप्ता:
  पंतप्रधान नरेंद्र मोदी येत्या 15 सप्टेंबरला प्रधानमंत्री आवास योजना ग्रामीणचा 2745 कोटी रुपयांचा हप्ता जारी करणार आहेत. झारखंडमधील जमशेदपूर येथे हा कार्यक्रम पार पडणार आहे.
  या बदलामुळे:
• अधिकाधिक ग्रामीण कुटुंबांना पक्के घर बांधण्यासाठी मदत मिळेल.
• ग्रामीण भागातील विकासाला चालना मिळेल.
• गरीब आणि गरजू लोकांचे जीवनमान उंचावेल.