Mother Name First | आईचं नाव आधी, हाच नवा सन्मान! महाराष्ट्र सरकारचं महिलांना मोठं गिफ्ट

Mother Name First | महिलांना त्यांच्या हक्कासाठी आवाज उठवताना आता नव्याने जोर द्यायला मिळणार आहे. कारण, महाराष्ट्र सरकारने आज नवीन महिला धोरणाला हिरवा झेंडा दाखवला आहे. या धोरणात (Mother Name First) महिलांसाठी अनेक महत्वाचे निर्णय घेण्यात आले आहेत, परंतु यातील सर्वात महत्वाचा निर्णय म्हणजे आता मुलांना आपल्या नावपुढे वडिलांच्या आधी आईचे नाव लावणे सक्तीचे करण्यात आले आहे.

आतापर्यंत मुलांना त्यांच्या कागदपत्रावर वडिलांचे नाव लावणे हेच चालत आले होते. आईच्या नावाचा उल्लेख करणे हे फक्त औपचारिकता मानली जात होती. मात्र, या नवीन धोरणामुळे या परंपरेला आव्हानात्मक फेरफार पाहायला मिळणार आहे.

हे धोरण जाहीर झाल्याबरोबरच सर्वत्र चर्चेला उधाण आले आहे. काहींनी या निर्णयाचे स्वागत केले आहे तर काहींनी त्याबद्दल शंका उपस्थित केल्या आहेत. परंतु, महिला व बालविकास मंत्री आदिती तटकरे यांनी या निर्णयाचे समर्थन करताना म्हटले आहे की, “आई ही पहिली व्यक्ती असते जी आपल्याला जन्माला देते आणि आपल्याला वाढवते. त्यामुळे तिच्या नावाचा आपल्या ओळखीचा भाग असणे हे नैसर्गिक आहे. या निर्णयामुळे समाजात आईच्या प्रतिष्ठेला उजाळा मिळेल आणि मुलींनाही समानतेचा अनुभव येईल.”

वाचा : Success Story | आई-वडिलांच्या सेवेसाठी ब्रिटनमधील ऍपल कंपनीतील तब्बल 72 लाखांची सोडली नोकरी; आता करतोय शेती

या नवीन धोरणात महिलांसाठी इतर अनेक सवलतींचाही समावेश करण्यात आला आहे. त्यात ३० टक्के महिलांना रोजगार देणाऱ्या उद्योगांना विशेष आर्थिक मदत, सर्व रस्त्यांवर २५ किलोमीटर अंतरावर महिलांसाठी स्वच्छतागृह उभारणे, महिलांसाठी घरगुती उद्योग चालू करण्यासाठी अनुदान आणि मालमत्ता खरेदीसाठी सवलतींचाही समावेश आहे.

एकंदरीत, हे नवीन महिला धोरण हे महाराष्ट्र सरकारच्या स्तुत्य उपक्रमांपैकी एक आहे. या धोरणाची यशस्वी अंमलबजावणी झाल्यास महिलांच्या आयुष्यात सकारात्मक बदल घडवून येण्याची शक्यता आहे.

Web Title : Mother Name First | Mother’s name first, this is the new honor! Maharashtra government’s big gift to women

हेही वाचा :