मराठवाड्यात दुष्काळाच्या तीव्रतेमुळे शेतकऱ्यांची नवीन शक्कल! CCTV कॅमेऱ्याद्वारे पाणी आणि पिकाचे रक्षण!
छत्रपती संभाजीनगर: मराठवाड्यात तीव्र उष्णतेच्या लाटेसोबतच दुष्काळाचा प्रभाव वाढत आहे. अनेक जिल्ह्यांमध्ये तापमान 40 अंशांच्या पुढे गेलं आहे. यामुळे पाण्याची तीव्र टंचाई निर्माण झाली आहे. शेतकऱ्यांना आणि ग्रामस्थांना पिण्यासाठी आणि शेतीसाठी पाणी मिळवण्यासाठी संघर्ष करावा लागत आहे.
या पार्श्वभूमीवर छत्रपती संभाजीनगरमधील सिल्लोड तालुक्यातील बोदवड गावातील शेतकरी रामेश्वर गव्हाणे यांनी एक अनोखी शक्कल लढवली आहे. आपल्या शेतातील पाण्याची चोरी होऊ नये आणि मिरचीच्या पिकाला वन्य प्राण्यांकडून होणारे नुकसान टाळण्यासाठी त्यांनी शेतात 360 अंशाचा CCTV कॅमेरा बसवला आहे.
गव्हाणे यांनी सांगितले की, “यंदा पाण्याची तीव्र टंचाई आहे. धरणं आणि तलाव कोरडे आहेत. त्यामुळे शेतीसाठी पाणी मिळवणं खूप कठीण झालं आहे. मी माझ्या मिरचीच्या पिकाला पाणी देण्यासाठी खूप मेहनत घेतली आहे. पण काही लोकं रात्रीच्या वेळी माझ्या शेतातून पाणी चोरून घेतात. त्यामुळे मी CCTV कॅमेरा बसवण्याचा निर्णय घेतला.”
या कॅमेऱ्यामुळे गव्हाणे यांना त्यांच्या शेतावर 24 तास लक्ष ठेवता येत आहे. त्यांनी सांगितले की, “आतापर्यंत पाण्याची चोरी झाली नाही, पण कॅमेऱ्यामुळे मला मनाची शांती मिळाली आहे. या कॅमेऱ्यामुळे वन्य प्राण्यांकडून होणारे नुकसानही टाळता येत आहे.”
गव्हाणे यांच्या या पहलुमुळे इतर शेतकऱ्यांनाही प्रेरणा मिळत आहे. दुष्काळाशी लढण्यासाठी आणि पिकांचं रक्षण करण्यासाठी CCTV कॅमेऱ्याचा वापर हा एक उत्तम पर्याय असल्याचं मत अनेक शेतकऱ्यांनी व्यक्त केलं आहे.
