ताज्या कृषी बातम्या व अपडेटसाठी आजच जॉईन करा ‘मी E शेतकरी’ चा व्हॉटसॲप चॅनेल...

जॉईन करा
ताज्या बातम्या

Maratha Kunbi Certificate | ब्रेकिंग न्यूज ! एकनाथ शिंदे यांची माहिती…मराठा कुणबी प्रमाणपत्र वाटपाची तारीख जाहीर, पण काय आहे अट?

Maratha Kunbi Certificate | Breaking news! Information of Eknath Shinde...Maratha Kunbi certificate distribution date announced, but what is the condition?

Maratha Kunbi Certificate | महाराष्ट्र सरकारने मराठा कुणबी प्रमाणपत्र वाटपाच्या पहिल्या टप्प्याला उद्यापासून सुरुवात करण्याचा निर्णय घेतला आहे. या निर्णयानुसार, शिंदे समितीने तपासलेल्या 11 हजार 530 नोंदींवर आधारित प्रमाणपत्रे तहसीलदारांकडून वितरित केली जातील.

मुख्यमंत्री एकनाथ शिंदे यांनी याबाबतची माहिती दिली. त्यांनी सांगितले की, तहसीलदारांची बैठक बोलवून यामध्ये जुन्या नोंदी (Maratha Kunbi Certificate) सापडलेल्यांना तात्काळ प्रमाण पत्र देण्याच्या सूचना केल्या जातील.

शिंदे समितीने 1 कोटी 72 लक्ष नोंदी तपासल्या आहेत. त्यात 11 हजार 530 नोंदी मिळाल्या आहेत. ज्यांच्या नोंदी सापडल्या आहेत त्यांना प्रमाणपत्रे देण्यात येतील.

गेल्या अनेक दिवसांपासून मराठा आरक्षणावरून राज्यात आंदोलने सुरू आहेत. या निर्णयामुळे मराठा समाजात समाधान व्यक्त होत आहे.

मराठा आरक्षण उपसमितीची बैठक पार पडली

मराठा आरक्षण उपसमितीची बैठक आज पार पडली. या बैठकीत न्यायमूर्ती शिंदेंच्या समितीच्या कामकाजाचा आढावा घेण्यात आला. राज्यभरात मराठा कुणबी प्रमाणपत्रांच्या नोंदणीबाबत ही समिती आढावा घेत होती. या बैठकीनंतर प्रमाणपत्र वाटपाच्या पहिल्या टप्प्याला सुरुवात करण्याचा निर्णय घेण्यात आला.

वाचा : Kunbi Maratha | ब्रिटिश काळातील जातवार जनगणनेचे पुरावे; जाणून घ्या तुमच्या जिल्यातील संख्या…

या बैठकीला उपसमितीचे अध्यक्ष चंद्रकांत पाटील, महसूल मंत्री राधाकृष्ण विखे पाटील आणि इतर वरिष्ठ अधिकारी उपस्थित होते.

मराठा आरक्षणावरून राजकारण तापलं

गेल्या अनेक दिवसांपासून मराठा आरक्षणावरून राज्यातील राजकारण तापलं आहे. राज्याच्या काही भागात शांततेत आंदोलने सुरू आहेत, तर काही भागातील मराठा समाज आक्रमक झाल्याचे दिसून आले. दरम्यान, गेल्या काही दिवसांपासून आरक्षणासाठी लढा देणारे मनोज जरांगे पाटील यांनी आमरण उपोषण सुरू केलं आहे.

हेही वाचा :

Web Title : Maratha Kunbi Certificate | Breaking news! Information of Eknath Shinde…Maratha Kunbi certificate distribution date announced, but what is the condition?

Leave a Reply

Your email address will not be published. Required fields are marked *

Back to top button