ताज्या बातम्या
ट्रेंडिंग

Jalgaon Train Accident | जळगावात धावत्या ट्रेनमध्ये ठिणग्या पाहताचं प्रवाशांनी धडाधड मारल्या उड्या; ११ जणांचा जागीच चिरडून मृत्यू 

Jalgaon Train Accident | जळगाव जिल्ह्यातील पाचोरा तालुक्यात एक भीषण रेल्वे अपघात घडला आहे. मुंबईकडे जात असलेल्या पुष्पक एक्स्प्रेसमध्ये ब्रेक दाबल्यानंतर चाकाजवळून उडालेल्या ठिणग्यांमुळे काही प्रवाशांना डब्यात आग लागली असे वाटले. परिणामी, आग लागल्याच्या अफवेने गोंधळ उडवला आणि घाबरलेल्या प्रवाशांनी ट्रेनमधून उडी मारली. त्याचवेळी शेजारील ट्रॅकवरून बंगळुरु एक्स्प्रेस भरधाव वेगाने येत होती. या ट्रेनने पुष्पक एक्स्प्रेसमधून उड्या मारलेल्या प्रवाशांना चिरडलं, ज्यामुळे मोठ्या प्रमाणावर जीवितहानी झाली. प्राथमिक माहितीनुसार, या अपघातात ११ प्रवाशांचा मृत्यू झाल्याची नोंद झाली आहे, आणि मृतांचा आकडा वाढण्याची भीती आहे. (Jalgaon Train Accident)

नेमकं काय झालं?


हा अपघात पाचोरा स्टेशनच्या आधी घडला. पुष्पक एक्स्प्रेस मुंबईकडे जात असताना ट्रेनने ब्रेक मारले. त्यानंतर चाकाजवळ ठिणग्या उडाल्या आणि काही प्रवाशांना डब्यात आग लागली असा गोंधळ झाला. अशावेळी आग लागल्याची अफवा पसरली आणि प्रवाशांनी ट्रेनमधून धावपळ सुरू केली. अनेक प्रवाशांनी चेन खेचून ट्रेन थांबवली, आणि त्यानंतर लोक घाबरून उडी मारू लागले. त्याचवेळी शेजारील ट्रॅकवरून बंगळुरु एक्स्प्रेस वेगाने जात होती. तिच्या धडकेने अनेक प्रवासी चिरडले गेले.

वाचा: लाडक्या बहिणीसाठी आनंदाची बातमी! ‘या’ तारखेपासून खात्यात जमा होणार पैसे; उपमुख्यमंत्री अजित पवार

रेल्वेतून प्रवाशांनी मारल्या उड्या


या अपघाताचे साक्षीदार असलेले बाबा जाधव यांनी घटनाक्रम सांगितला. त्यांनी सांगितले की, ‘पुष्पक एक्स्प्रेसमध्ये ब्रेक दाबल्यावर उडालेल्या ठिणग्यांमुळे आग लागली असा गोंधळ झाला. लोक घाबरून उडी मारू लागले, आणि त्याचवेळी बंगळुरु एक्स्प्रेस आली. त्यातले काही प्रवासी एक्स्प्रेसच्या खाली चिरडले गेले.’ घटना घडल्यावर काही वेळासाठी दोन्ही एक्स्प्रेस थांबल्या होत्या. त्यानंतर मृतदेहांची काढणी सुरू झाली. या दुर्घटनेमुळे प्रवासी गोंधळून वयक्तिक जीवितहानीला तोंड देत होते.

हेही वाचा:

व्यंगचित्रकार ते लाडके हिंदुहृदयसम्राट! तुम्हाला बाळासाहेबांबद्दल ‘या’ गोष्टी माहित आहेत का?

• शुभ योग तयार फळ ‘या’ चार राशींना अचानक लाभ, जाणून घ्या तुमच्या राशीची स्थिती काय?

Leave a Reply

Your email address will not be published. Required fields are marked *

Back to top button