GST Return | छोट्या व्यावसायिकांना मोठा दिलासा! जीएसटीआर-9 फॉर्म भरण्यापासून सुटका

GST Return | आनंदाची बातमी! केंद्र सरकारने आज छोट्या व्यावसायिकांना मोठा दिलासा देणारा निर्णय घेतला आहे. अर्थ मंत्रालयाने जीएसटी रिटर्न भरणाऱ्या छोट्या व्यावसायिकांना वार्षिक विवरणपत्र असलेल्या (GST Return) जीएसटीआर-9 फॉर्म भरण्यापासून सूट दिली आहे. यामुळे 2 कोटी रुपयांपर्यंत वार्षिक उलाढाल असणाऱ्या लाखो छोट्या व्यापाऱ्यांना फायदा होणार आहे.

आतापर्यंत छोट्या व्यावसायिकांना देखील वार्षिक तपशीलवार लेखा-जोखा माहिती देणारा जीएसटीआर-9 फॉर्म भरावा लागत होता. हा फॉर्म भरणे जटिल आणि वेळखाऊ असल्याने अनेक छोटे व्यापारी या प्रक्रियेमुळे तणावत होते. त्यामुळेच सरकारने हा निर्णय घेतला आहे.

अर्थ मंत्रालयाने ट्विट करून ही माहिती दिली. मंत्रालयाच्या म्हणण्यानुसार, हा निर्णय घेतल्याने जीएसटी रिटर्न भरण्याचा उत्साह वाढण्याची आणि त्यामुळे सरकारी तिजोरीत अधिक कर भरण्याची अपेक्षा आहे. गेल्या 5 वर्षांत जीएसटी रिटर्न भरणाऱ्यांची संख्या 65 टक्क्यांनी वाढली आहे. एप्रिल 2023 पर्यंत 1.13 कोटी व्यावसायिकांनी जीएसटी रिटर्न दाखल केले आहेत. यामुळेच हा निर्णय आणखीन फायदेशीर ठरू शकतो.

वाचा : Horticulture Loan | हवामान बदलाचा फटका बसलेल्या फळ उत्पादक शेतकऱ्यांसाठी मोठा दिलासा! ९८ दशलक्ष डॉलर्सचे कर्ज मंजूर ; वाचा सविस्तर!

नवा करप्रणाली सोपी आणि कार्यक्षम करण्यासाठी सरकार सतत प्रयत्न करत आहे. जीएसटी नियम सोपे करण्यासोबतच रिटर्न भरण्याची प्रक्रिया सुलभ करण्यावरही भर दिला जात आहे. या निर्णयामुळे छोट्या व्यावसायिकांना आर्थिक आणि मानसिक दिलासा मिळणार आहे. त्यांचा वेळ आणि पैसा वाचणार आहे. तसेच, जीएसटी प्रणाली अधिकाधिक व्यापाऱ्यांना स्वीकार्य होण्यास मदत होईल.

या निर्णयाचे स्वागत सर्वत्र होत आहे. छोट्या व्यावसायिकांच्या संघटनांनी सरकारचे या निर्णयासाठी आभार मानले आहेत. हा निर्णय आर्थिक सुधारणांच्या दिशेने टाकलेले महत्त्वाचे पाऊल आहे.

Web Title : GST Return | Big relief for small businesses! Exemption from filing Form GSTR-9

हेही वाचा :