महाराष्ट्रात (Maharashtra) रब्बी हंगामात हरभरा या पिकाची लागवड (Cultivation of the crop) प्रामुख्याने केली जाते. सध्या राज्यातील खरीप हंगाम संपुष्टात येत असून रब्बी हंगामाच्या तयारीला शेतकरी (Farmers) लागले आहेत. तर या हंगामात शेतकऱ्यांना योग्य हरभरा पिकाची लागवड करणे गरजेचे असते. 110 दिवसात उत्पादन (Production) देणाऱ्या हरभरा वानाविषयी सविस्तर माहिती घेऊया. हे 2 वान शेतकऱ्यांसाठी फायदेशीर ठरेल..
वाचा –
१) फुले विक्रम:
या वाणाची शिफारस संपूर्ण महाराष्ट्रात पेरणी करण्याकरता केली आहे. या वानाचा परिपक्वता कालावधी साधारणता 105 ते 110 दिवस आहे. या वानाच्या वाढीचा कल उंच असल्यामुळे म्हणजे साधारणता या जातीची उंची 55 ते 60 सेंटिमीटर असल्यामुळे या जातीला घाटे जमिनीपासून एक फुटावर लागतात त्यामुळे यांत्रिक पद्धतीने (Mechanical method) काढणीस म्हणजेच कम्बाईन हार्वेस्टरने काढणीस हा वाण उपयुक्त आहे.
वाचा –
या जातीची शिफारस जिरायती बागायत व उशिरा पेरणीसाठी सुद्धा करण्यात आली असून दाण्याचा आकार मध्यम असून हा वाण मर रोग प्रतिकारक्षम आहे. या जातीचे जिरायतीमध्ये सरासरी प्रति हेक्टर 16.37 क्विंटल तर बागायतीमध्ये सरासरी प्रति हेक्टर 22.25 क्विंटल तर उशिरा पेरणी मध्ये सरासरी प्रति हेक्टर 21.12 क्विंटल एवढ्या उत्पादनाची प्रायोगिक निष्कर्षात नोंद झाली आहे.
2) पीडीकेव्ही कांचन ( एकेजी 1109) –
या वानाची परिपक्वता कालावधी साधारणतः 105 ते 110 दिवस आहे. विदर्भात ओलिताखाली लागवड करण्यासाठी हा वान उपयुक्त असून हा वाण मध्यम जाड पाण्याचा म्हणजे साधारण शंभर दाण्याचे वजन 19.7 ग्रॅम एवढे आहे. हा वान मर रोग प्रतिकारक्षम असून याची हेक्टरी उत्पादकता 21 ते 23 क्विंटल प्रति हेक्टर एवढी आहे.
मी E-शेतकरी आता टेलीग्राम आणि व्हाट्सअँप वर जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
आजच ताज्या बातम्यांसाठी मी E-शेतकरी मोबाईल अॅप डाऊनलोड करा; येथे क्लिक करून डाउनलोड करा..
हे ही वाचा –
