Farmers are angry |सोयाबीनच्या दरात घसरण, शेतकरी संतप्त! भाव कमी, उत्पादन खर्च जास्त; सरकारवर नाराजी
Farmers are angry |महाराष्ट्रातील सोयाबीन उत्पादक शेतकऱ्यांवर (Soybean Farmers) मोठी आर्थिक संकटाची टांगती तलवार आहे. सोयाबीनच्या दरात (Soybean Price) सतत घसरण होत आहे आणि अनेक ठिकाणी हमीभावापेक्षाही कमी दरात सोयाबीनची विक्री होत आहे.
अनेक बाजारपेठांमध्ये सोयाबीनला 4000 रुपये ते 2500 रुपये प्रति क्विंटलपर्यंत कमी दर मिळत आहे. तर दुसरीकडे, सरकारने निश्चित केलेला मिनिमम सपोर्ट प्राइस (MSP) 4600 रुपये प्रति क्विंटल आहे. यामुळे शेतकऱ्यांना मोठा आर्थिक नुकसान सहन करावा लागत आहे.
वाचा :Architecture |घरात पूर्वजांचे फोटो कुठे ठेवावे? वास्तुशास्त्रानुसार योग्य दिशा काय?
परभणीच्या सेलू बाजारात तर सोयाबीनला फक्त 2250 रुपये प्रति क्विंटल इतका कमी दर मिळाला आहे. यामुळे शेतकऱ्यांमध्ये तीव्र नाराजी आहे.
याचबरोबर, सोयाबीन हे महत्त्वाचे तेलबिया पीक असूनही त्याला योग्य भाव मिळत नाही. यामुळे शेतकऱ्यांची आर्थिक स्थिती बिघडत आहे.
नुकत्याच झालेल्या लोकसभा निवडणुकीत कांदा, कापूस आणि सोयाबीन उत्पादक शेतकऱ्यांनी सत्ताधारी पक्षावर रोष व्यक्त करत मतदान केले आहे. अनेक उमेदवारांना पराभवाला सामोरे जावे लागले आहे.
शेतकऱ्यांच्या म्हणण्यानुसार, सरकारच्या शेतीविरोधी धोरणांमुळे आणि अयोग्य आयात-निर्यात धोरणांमुळे सोयाबीनच्या दरात घसरण होत आहे.
त्यामुळे, सरकारने तात्काळ पावले उचलून सोयाबीनच्या दरात सुधारणा करण्याची आणि शेतकऱ्यांना मदत करण्याची आवश्यकता आहे. अन्यथा, येणाऱ्या विधानसभा निवडणुकीत शेतकऱ्यांचा रोष आणखी तीव्र होण्याची शक्यता आहे.
