Corona | बाप रे! महाराष्ट्रात कोरोनाच्या नव्या व्हेरियंटची एन्ट्री, पुण्यात सापडले सात रुग्ण, लहान मुलाचाही सामावेश
देशात पुन्हा एकदा कोरोनाचे रुग्ण (Corona patient) झपाट्याने वाढू लागले आहेत. व्हायरसची नवीन प्रकरणे दररोज वाढत आहेत.
Cororna | दुसरीकडे, महाराष्ट्रात (Maharashtra) गेल्या 24 तासांत कोव्हिड-19 चे 529 नवीन रुग्णांची नोंद झाली आहे. तर 325 लोक बरे झाले आहेत आणि एकाही मृत्यूची (Death) नोंद झालेली नाही ही दिलासादायक बाब आहे. याशिवाय राज्यात कोरोना विषाणूचे 2772 सक्रिय रुग्ण (Corona virus 2772 active patients) आढळून आले आहेत. त्याचवेळी, ही अत्यंत चिंतेची बाब आहे की, महाराष्ट्रात प्रथमच बीए 4 (BA 4) आणि 5 प्रकार आढळून आले आहेत.
पुण्यात सापडले रुग्ण
पुण्यात BA.4 प्रकारातील 4 आणि BA.5 प्रकारातील 3 नवीन प्रकरणे आढळून आली आहेत. त्यापैकी चार पुरुष आणि तीन महिला आहेत. चार रुग्ण 50 वर्षांपेक्षा जास्त वयाचे आहेत. तर दोन 20 ते 40 वयोगटातील आहेत. एक रुग्ण 9 वर्षांचा मुलगा देखील आहे. या सहाही प्रौढांनी लसीचे दोन्ही डोस घेतले आहेत, तर एकाला बूस्टर डोस देखील मिळाला आहे. मुलाचे अद्याप लसीकरण झालेले नाही. त्यांच्यामध्ये सौम्य लक्षणे आढळून आली असून, त्यांच्यावर घरीच उपचार करण्यात येत आहेत.
देशात एका दिवसात अडीच हजारांहून अधिक सापडले नवीन रुग्ण
त्याचवेळी, देशात एका दिवसात कोरोना संसर्गाचे अडीच हजारांहून अधिक रुग्ण आढळले आहेत. केंद्रीय आरोग्य मंत्रालयाने शनिवारी सकाळी 8 वाजता अपडेट केलेल्या आकडेवारीनुसार, गेल्या 24 तासांत 2,685 नवीन रुग्ण आढळले आहेत आणि 33 लोकांचा मृत्यू झाला आहे. त्यापैकी 32 मृत्यू केरळमधील आहेत. जिथे मृत्यूची नोंद आधीच झाली आहे. नवीन आकडेवारीसह संयोगाने जारी केले जात आहे.
सक्रिय रुग्णांत वाढ
सक्रिय प्रकरणे देखील सतत वाढत आहेत आणि त्यांची संख्या 16,308 पर्यंत वाढली आहे. जी एकूण प्रकरणांच्या 0.04 टक्के आहे. दैनंदिन संसर्ग दर 0.60 टक्के आणि साप्ताहिक संसर्ग दर 0.54 टक्के आहे. रुग्णांचा बरा होण्याचा दर 98.75 टक्के आणि मृत्यू दर 1.22 टक्के आहे. कोविन पोर्टलच्या आकडेवारीनुसार, आतापर्यंत अँटी-कोरोना लसीचे एकूण 193.16 कोटी डोस देण्यात आले आहेत.
मी E-शेतकरी आता टेलीग्राम आणि व्हाट्सअँप वर जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
आजच ताज्या बातम्यांसाठी मी E-शेतकरी मोबाईल अ‍ॅप डाऊनलोड करा; येथे क्लिक करून डाउनलोड करा..
हेही वाचा:
